Wersija Firefox za Android 126 je nowu zatwarenu přełožowansku funkciju přidał, kotraž wam zmóžnja, web we wašej preferowanej rěči direktnje přehladować. Mjeztym zo po sydle nawigujeće, Firefox nowy wobsah we woprawdźitym času nastajnosći přełožuje.

Přełožowansku symbolowu lajstu wužiwać

Zo byšće webstronu přełožował:

1. Hdyž webstronu w podpěranej rěči wopytujeće, so přełožowanske wokno awtomatisce wočini. Jeli so njewočinja, podótkńće so přełožowanskeho symbola w symbolowej lajsće abo wubjerće Stronu přełožić z nałoženskeho menija.

   

2. Wubjerće potom swoju požadanu přełožowansku rěč z wuběranskeho menija deleka, kotraž so do toho z wašej prěnjej preferowanej rěču wupjelnja. Zo byšće ju změnił, wužiwajće wuběranski meni.

   

3. Klikńće na Přełožić, zo byšće cyłu stronu přełožował.
4. Zo byšće stronu do jeje prěnjotneje rěče wróćo stajił, podótkńće so symbola w symbolowej lajsće a wubjerće potom Original pokazać.

Přełožowanske nastajenja přiměrić

Zo byšće swoje přełožowanske dožiwjenje přiměrił:

1. Podótkńće so přełožowanskeho symbola w symbolowej lajsće.

   

2. Podótkńće so symbola zubateho koleska horjeka naprawo w přełožowanskim woknje.

   

3. Přepinajće suwak za nastajenje, kotrež chceće nałožić.

   

4. Zo byšće změnu cofnył, suwajće prosće suwak wróćo do jeho prěnjotneje pozicije.

Rěčne sćehnjenske nastajenja wubrać

Zo byšće swoje rěčne sćehnjensje nastajenja přiměrił, přewjedźće slědowace kroki:

1. Podótkńće so přełožowanskeho symbola w symbolowej lajsće.

   

2. Podótkńće so symbola zubateho koleska horjeka naprawo w přełožowanskim woknje.

   

3. Podótkńće so Přełožowanske nastajenja.

   

4. W přełožowanskich nastajenjach namakaće slědowace nastajenja:

   

   • Přełožowanje poskićić, hdyž móžno: Dostańće awtomatiske namołwy za přełožowanje strony do cuzych rěčow.
   • Rěče přeco w datowym lutowanskim modusu sćahnyć: Dowolće sćehnjenje rěčow samo w zmóžnjenym datowym lutowanskim modusu.
   • Awtomatiske přełožowanje: Zmóžńće awtomatiske přełožowanje webstronow.
   • Tute websydła ženje njepřełožić: Nastajće wěste sydła, kotrež so nimaja přełožować.
   • Rěče sćahnyć: Rjadujće rěče offline.

Rěče sćahnyć

Zo byšće rěče za wužiwanje offline sćahnył a rjadował:

1. Podótkńće so přełožowanskeho symbola w symbolowej lajsće.

   

2. Podótkńće so symbola zubateho koleska horjeka naprawo w přełožowanskim woknje.

   

3. Podótkńće so Přełožowanske nastajenja.

   

4. Podótkńće so Rěče sćahnyć pod Přełožowanske nastajenja.

   

5. Wubjerće rěče, kotrež chceće sćahnyć; podótkńće so za to sćehnjenskeho symbola pódla kóždeje z nich.

   

6. Zo byšće sćehnjenu rěč zhašał, podótkńće so papjernika pódla njeje.

HSP

Čehodla přistup k přełožkam na swojim graće Android nimam?

Přełožowanje so tuchwilu jenož na gratach Android podpěruje, kotrež na architektuje aarch64 bazuja. Přičina za tutym žadanjom je, zo Firefox dyrbi WebAssembly wuwjesć móc, zo by přełožowanje přewjedł.

Dokelž wobšěrnu lisćinu wšěch gratow Android nimamy, kotrež přełožowanje njepodpěruja, wy měł hišće hladać, jeli waš grat je jedyn z nich, hač podpěra je k dispoziciji. Wopytajće tohodla stronu WebAssembly a přepruwujće, hač "Fixed Width SIMD" abo "Relaxed SIMD" so přez wašu wersiju Firefox podpěruje.

Přełožowanje je so w Firefox 129 přez eksperiment Nimbus wozjewiło, ale běži přez status Fixed-Width SIMD po standardźe z wersiju Firefox 130.

Funguje přełožowanska funkcija Firefox z njetekstowym wobsahom kaž wobrazy abo wideja?

Ně, přełožowanska funkcija móže tuchwilu jenož z tekstowym wobsahom na webstronach wobchadźeć, njepřełožuje njetekstowe elementy kaž wobrazy, wideja abo interaktiwne elementy.

Što je, hdyž na stronu z měšanymi rěčemi abo wobsah we wjacorych rěčach storču? Budźe přełožowanje hišće fungować?

Dokelž přełožowanska funkcija fokus na hłownu rěč webstrony staja, njemóže snano optimalnje ze stronami z měšanymi rěčemi abo z wobsahom we wjacorych rěčach wobchadźeć.

Móžu stronu zdźěla přełožować, na přikład jenož wěsty wotrězk abo wotstawk?

Přełožowanje je tuchwilu za to myslene, cyłu stronu přełožować. Njepodpěruje přełožowanje wěstych wotrězkow abo wotstawkow.

Móže Firefox strony přełožować, kotrež su přez hesło škitane abo su za přizjewjenskimi wobrazowkami?

Haj, Firefox móže strony přełožować, kotrež su přez hesło škitane abo sej přizjewjenje wužaduja, doniž wobsah dospołnje na wašej wobrazowce njepokazuje. Přełožowanska funkcija za wobsah webstronow funguje, ke kotremuž Firefox přistup ma a kotryž móže rysować.

Kak móžu stronu po přełožowanju do jeje prěnjotneje rěče wróćo stajić?

Zo byšće stronu po přełožowanju do jeje prěnjotneje rěče wróćo stajił, podótkńće so symbola w symbolowej lajsće a wubjerće Original pokazać.

Čehodla dyrbju rěče sćahnyć?

Sćahowanje rěčow Firefox zmóžnja, přełožki lokalnje we wašim wobhladowaku přewjesć, z fokusom na wašu priwatnosć a wěstotu. Mjeztym zo přełožujeće, Firefox dźělne rěčne dataje do pufrowaka wašeho wobhladowaka sćahuje, jeli je trjebaće. Jeli waš grat je w datowym lutowanskim modusu, Firefox was namołwi, prjedy hač rěč sćahujeće. Móžeće tute nastajenje znjemóžnić, hdyž Přeco w datowym lutowanskim modusu sćahnyć.

Kak móžu wopačne přełožki zdźělić?

Móžeće pomhać, přełožki Firefox polěpšować, hdyž njedokładnosće z tutym formularom zdźěleće.

Podobne nastawki

• Přełožowanje webstronow z Firefox